ગુરુમહિમા અદા કરવા પૂ.સ્વામીશ્રી જયારે જયારે ગુરુવર્ય પ.પૂ.બાપજીની સાથે અવસર મળે ત્યારે અલ્પથી માંડી મોટી સેવા કરવાનો લ્હાવો જવા ન દે. ગુરુવર્ય પ.પૂ.બાપજીની પૂજા પાથરી આપે, તિલક માટે ચંદન ઘસવાની સેવા પણ કરે.

           એટલું જ નહિ જયારે ગુરુવર્ય પ.પૂ.બાપજીની સાથે પૂ.સ્વામીશ્રી વિચરણમાં પધારે ત્યારે તેઓ રસોઈ બનાવવાની સેવા પણ ખૂબ જ દિવ્યભાવથી કરે. એક હસ્તે ભાખરી બનાવતા જાય અને બીજા હસ્તે ભાવવિભોર થઈ ગુરુવર્ય પ.પૂ.બાપજીને પીરસતા જાય. અને હા, પૂ.સ્વામીશ્રી તો એમ કહે કે, "મારા ગુરુ પ.પૂ.બાપજી જો આકાશમાંથી તારો લાવી આપવાની વાત કરે તો હું એમના જ બળે તે જરૂર લાવી આપું. એમના વચને શું ન થાય ?"

પૂ. સ્વામીશ્રીને ગુરુવર્ય પ.પૂ.બાપજી પ્રત્યેનો કેવો અપાર મહિમા...!

(૧) ક્યારેય ઢીલી વાત નહિ કરું.
(૨) આ દેહ પડવો હોય તો ભલે પડે. પણ, એમના મુખમાંથી નીકળેલું વચન હેઠું       નહિ જ પડે.
(૩) આપણા ગુરુ માટે શું ન થાય ? એવો ગુરુમહિમા રોમરોમમાં દૃઢ કરીશ.